Индискиот мултимилијардер, основач и сопственик на компанијата Сахара Индија Паривар, Субрата Рој, пристигна во тридневна посета на Македонија.
Субрата Рој, кој е еден од највлијателните луѓе во Индија и најголем приватен работодавач во Индија, доаѓа по поканата од македонската Влада која му беше упатена во текот на економската турнеја во Индија.
Субрата Рој ќе посети повеќе локации каде би можел да оствари инвестиција, а таргет се земјоделството, образованието и туризмот.
Рој има вработено околу два милиони луѓе, тежи околу 6.5 милијарди долари и работи во голем број бизниси, како во финансиите, осигурувањето, градежништвото, изградба на болници, универзитети.
Индискиот мултимилијардер изутринава на скопскиот аеродром го пречека министерот за финансии Зоран Ставрески.