Денеска ги видовме Мицкоски и Николоски колку се горди на реализација на проектот за патот Прилеп-Битола, дел од Коридорот 10Д. Граѓаните секојдневно гледаат како Мицкоски и ВМРО-ДПМНЕ ги промовираат и се фалат со проектите на СДСМ за коридорите кои ги напаѓаа и велеа дека се криминални и штетни, порача на прес-конференција Менде Илиевски од СДСМ.
Тој вели „Од историски криминал, коридорите на Бехтел и Енка станаа историски значајни проекти, слепите тунели кон Бугарија наеднаш прогледаа, а наводните криминални зделки сега се добри за ВМРО-ДПМНЕ“.
„Власта нема ниту еден проект нејзин започнат, ниту пак реализиран, освен што се фали со проектите на СДСМ ги погази сите свои изјави и ветувања пред граѓаните. Коридорите на Бехтел и Енка станаа историски значајни а Мицкоски и Николовски станаа историски лажговци“ рече Илиевски.