Гувернер на француска Централна банка: Брегзит досега префрли 2.500 финансиски работни места во Франција

Од:

Гувернерот на Централната банка на Франција изјави дека повлекувањето на Велика Британија од Европската унија доведе до преместување на скоро 2.500 финансиски работни места и „најмалку 170 милијарди евра средства“ во Франција, јави Гардијан.

Лондон останува најважниот финансиски центар на континентот, но Амстердам, Даблин, Франкфурт и Париз се обидуваат да привлечат компании кои сакаат да останат активни во еврозоната од 19 земји.

Пандемијата на коронавирус го направи уште поважно стимулирањето на деловната активност, со оглед на тешките економски ефекти. – И покрај пандемијата, речиси 2.500 работни места се префрлени и околу 50 британски организации дозволија преместување на најмалку 170 милијарди евра (150 милијарди фунти) во Франција до крајот на 2020 година, рече гувернерот Франсоа Вилерој де Галхау.

– Се очекува префрлањата да се зголемат оваа година. Особено, Брегзит ја принуди Европа да ја развие својата финансиска автономија, рече тој.

ЕУ ќе дозволи клиринг куќи во Лондон да работат низ целиот континент 18 месеци, бидејќи Унијата нема свои соодветни институции. Меѓутоа, по овој период, теоретски, финансиските трансакции во евра ќе мора да се решат во рамките на ЕУ.

– Покрај тоа, вистинската, финансиска унија мора да ни овозможи подобро да ги мобилизираме заштедите, вели гувернерот. Тој инсистира на тоа дека се користи можноста дадена од Брегзит за да се создаде функционална „унија на пазарите на капитал“ во ЕУ.

Би можело да ве интересира

Велика Британија соочена со нова политичка криза по најавата за можен нов референдум за независност на Шкотска

Старџен најави нов референдум за независност на Шкотска

Џонсон: Шкотска треба да почека до следната генерација за ново гласање

Долниот дом на британскиот Парламент го усвои трговскиот договор со ЕУ по Брегзит

Жарко Настоски

Лајен: Време е да го оставиме Брегзит зад нас

Ана Ололовска

ЕУ ги потпиша Договорите за идните односи со Велика Британија

Ана Ололовска