Резервациите за летни одмори скокнаа за 600 проценти оваа година, откако Велика Британија донесе одлука за укинување на рестриктивните мерки, давајќи им надеж на авиокомпаниите и туристичките агенции дека ќе можат да работат нормално годинава.
Британската туристичка асоцијација соопшти дека Грција, Шпанија и Турција се најбараните дестинации, почнувајќи од јули.
Нискобуџетната авиокомпанија „Изиџет“ соопшти дека резервациите преку ноќ се зголемиле четирикратно, а резервациите за одмор пораснале за 600 проценти за една недела, а тие „пламнале“ особено откако владата вчера најави дека патувањата може да продолжат од средината на мај.