Форбс: Богатството на Џеф Безос надмина 180 милијарди долари

Од:

Богатството на најбогатиот човек во светот Џеф Безос достигна рекордни 180 милијарди американски долари во услови на зголемување на цените на акциите на неговата компанија „Амазон, соопшти Форбс.

Пазарната капитализација на „Амазон“ достигна 1,52 трилиони долари. Така, Безос, кој поседува 11,1 отсто од акциите на онлајн трговијата на мало, надмина 181,5 милијарди американски долари. Форбс потенцира дека ова е рекорд за сите времиња од почетокот на статистиката.

Во април, Форбс третпат по ред го постави Безос на врвот на листата на најбогати луѓе во светот. Неговото богатство тогаш беше проценето на околу 113 милијарди американски долари.

Второто место му припадна на еден од основачите на корпорацијата Мајкрософт, Бил Гејтс, со 98 милијарди долари. Главниот извршен директор на француската група компании ЛВМХ – Луи Витон Мот Хенеси, Бернард Арно се искачи на третото место со своите 76 милијарди долари.

Компанијата „Амазон“, која продава стоки и услуги преку Интернет, е основана од Безос во САД во 1994 година.

Би можело да ве интересира

ВИДЕО: Безос денеска се додава на „клубот на астронаути“

Ана Ололовска

ВИДЕО: Најбогатиот човек на светот утре ќе полета во Вселената

Ана Ололовска

Безос се повлекува од функцијата генерален директор на Амазон

Ана Ололовска

82-годишна жена ќе се вивне во Вселената со Џеф Безос

Жарко Настоски

Место за патување во вселената со Џеф Безос продадено за 28 милиони долари

Ана Ололовска

ПроПублика: Маск, Сорос, Безос не плаќале данок на доход со години

Ана Ололовска