ФАО: Најголема побарувачка во светот ќе има за млекото и месото

Од:

Агенцијата на ОН за храна и земјоделство (ФАО) предвидува дека глобалното земјоделство се повеќе ќе се движи кон производство на месо и млеко, а ќе се оддалечува од производство на ориз и житарки.

Во заедничкиот извештај на ФАО и Организацијата за економска соработка и развој (ОЕЦД) се наведува дека во наредните десет години светското производство на месо ќе се зголеми за 58 милиони тони, а 80 отсто од тој раст ќе доаѓа од земјите во развој.

Најмногу ќе се зголеми производството на месо од живина, кое ќе сочинува 50 отсто од вкупното производство, како и на свинско месо (30 отсто), наведуваат организациите, истакнувајќи дека живината е евтин извор на протеини и не е подложена на верски или културолошки забрани. Во извештајот се наведува дека само кинеската популација ќе сочинува половина од глобалниот раст на конзумацијата на месо.

Цените на житарките ќе продолжат да паѓаат во наредните две години, за да потоа се стабилизираат на нивоа на кои беа пред кризата од 2008, додека цените на месото, млекото и рибата ќе растат.

Од земјите од Азија и Латинска Америка ќе доаѓа најголем дел од растот на земјоделското производство, што ќе ја зајакне нивната позициј на светскиот пазар, наведуваат ФАО и ОЕЦД.

Би можело да ве интересира

Трипуновски: Љупчо Николовски доделил 2.5 милиони евра надвор од процедура

Орце Костов

МЗШВ: Усвоена Интервентната програма за поддршка во земјоделството за 2024 година

Македонското земјоделство ги доби првите сертифицирани советници

Николовски: 2024-та ќе биде година на нови предизвици, продолжуваме со силна реформска земјоделска политика

Николовски од Делчево: Ги повикувам сите земјоделци навремно да аплицираат, остварувајќи го правото на дополнителите директни плаќања за полјоделски култури, градинарски култури, овошни и лозови насади

Николовски: Ја носиме Европа дома, за просперитет на секој земјоделец, за пласман на домашните производи на европскиот пазар