Евростат: Инфлацијата во еврозоната достигна рекордни 7,5 проценти

Од:

Годишната стапка на инфлација во еврозоната достигна рекордни 7,5 отсто во април, соопшти Агенцијата за статистика на Еверопска Унија (Евростат).

Највисоката стапка на инфлација во 19 земји од еврозоната од почетокот на водење евиденција во 1997 година е последица на остриот скок на цените на енергијата поради војната во Украина, што дополнително ги оптоварува домаќинствата и го забавува економското закрепнување од пандемијата со Ковид-19.

Инфлацијата во еврозоната урива рекорди шест месеци по ред. Претходниот рекорд беше поставен во март, кога растот на малопродажните цени изнесуваше 7,4 отсто во однос на истиот месец во 2021 година.

– Главниот фактор што придонесува за рекордната инфлација е скокот на цените на енергијата, кои пораснаа за 38 отсто во април, наведува Евростат.

Зголемените цени, исто така, вршат притисок врз креаторите на политиката на Европската централна банка да ги зголемат каматните стапки за да ја одржат инфлацијата на рекордно ниско ниво во наредните месеци за да ја стимулираат економијата додека таа закрепнува од пандемијата.

Извор: МИА

Би можело да ве интересира

Невработеноста во еврозоната на рекордно ниско ниво од 6,5 проценти

А1он

Евростат: Од почетокот на година речиси двојно намален европскиот увоз на енергија од Русија

Ана Ололовска

Евростат: Зголемен бројот на Европејци кои работат од дома

А1он

Евростат: Инфлацијата во еврозоната во октомври околу 11 проценти

А1он

Евростат: Инфлацијата во еврозоната во септември се забрза на 10 отсто

А1он

Евростат: Во 2021 година 95,4 милиони лица во ЕУ биле изложени на ризик од сиромаштија

Ана Ололовска