За итна докапитализација на банките во еврозоната ќе бидат обезбедени до 60 милијарди евра од Европскиот стабилизациски механизам, чиј вкупен фонд изнесува 500 милијарди евра.
Како што соопшти претседателот на еврогрупата Јерун Дејселблум по синоќешниот состанок на министрите за финансии на еврозоната во Луксембург, членките на блокот се договориле да бидат обезбедени средства за итна докапитализација на банките.
Со ова, според него, ќе се овозможи стабилност на банкарскиот сектор и ќе се создадат услови за излез од „волшебниот круг меѓу кризата, банките и државните буџети“.
Дејселблум нагласи дека секоја заинтересира банка за добивање средства за докапитализација треба да поднесе барање за помош, при што секоја апликација ќе се разгледува индивидуално.