„Ербас“ укинува 15.000 работни места

Од:

Европскиот производител на авиони „Ербас“ планира да укине 15.000 работни места поради тешката финансиска состојба предизвикана од пандемијата на коронавирус.

Повеќето работни места треба да се кратат во Франција и Германија, по 5.000 во секоја од нив, 1.700 во Велика Британија, околу 900 во Шпанија, а остатокот во други земји.

Менаџментот на „Ербас“ веќе почна разговори со синдикатите и очекува до есенва да постигне договор, а планот за намалување на 15.000 работни места треба да се спроведе до следното лето.

-Сакавме да избегнеме ваква ситуација, но „Ербас “ се соочува со најголемата криза кога станува збор за авијациската индустрија, изјави вчера извршниот директор на „Ербас“, Гијом Фури.

Француското Министерство за економија се спротивстави на планот за намалување на 15.000 работни места, сметајќи дека е претерано.

Компанијата го заврши првиот квартал со загуба од 481 милиони евра, а производството во „Ербас“ најверојатно ќе се намали за 40 проценти во текот на следните две години поради пандемијата на коронавирус. Исто така, „Ербас“ очекува воздушниот сообраќај да се врати на старите параметри дури во 2023 година. Во „Ербас“ се вработени 135.000 луѓе, а 90.000 од нив работат на производство на делови од авиони.

Би можело да ве интересира

Најмалку пет лица загинаа во автобуска несреќа кај Лајпциг

Горан Наумовски

Во Германија: Момче до смрт ги избодел родителите и братот, тешко си ја ранил сестрата

Франција ја подигна безбедноста на највисоко ниво

Ученик во Дрезден испуштил солзавец на час, 30 ученици се пренесени во болница

Германското обвинителство покрена истрага за разговорите за напад на мостот на Крим

Скок во приходите и профитот на голем германски производител на оружје