ЕЦБ: Европејците очекуваат безбедност и приватност од дигиталното евро

Од:

Граѓаните на еврозоната очекуваат дека употребата на дигиталното евро е безбедна и евтина и пред се, ќе ја гарантира приватноста, покажува најновата студија на Европската централна банка (ЕЦБ).

ЕЦБ работи на создавање електронска верзија на заедничката европска валута што треба да ги надополнува банкнотите и монетите и успешно да парира на приватни крипто-валути како што се биткоин, тетер и Диема на Фејсбук.

Дигиталното евро би функционирало посигурно од сметка на комерцијална банка и дигитален паричник.

Создавањето на дигиталното евро е се уште во развој и неговото воведување како ново платежно средство може да се очекува само за четири до пет години.

ЕЦБ спроведе јавна консултација за да ги открие интересите и сомнежите на граѓаните во процесот на воведување на дигиталното евро. Консултацијата покажа дека граѓаните се најмногу вознемирени од губењето на приватноста при плаќањата при преминување кон електронски начини на плаќање, клучна карактеристика на готовина што и граѓаните и професионалците ја сметаат за врвен приоритет.

„Дигиталното евро треба да ја гарантира нивната приватност, според 43 проценти од испитаниците, 18 проценти сакаат безбедност, а 11 проценти сакаат да можат да го користат низ целата еврозона, избегнување дополнителни трошоци (девет проценти) и можност за офлајн употреба (осум проценти)“, наведе ЕЦБ.

Девет проценти од нив сакаат да избегнат дополнителни трошоци со дигиталното евро, а осум проценти сакаат можност за негово користење офлајн, покажува истражувањето, објавено денеска.

Половина од испитаниците го поддржуваат воведувањето на максималниот износ во дигитални евра што секој граѓанин треба да го има на располагање, односно „плафон“ чие кршење би барало плаќање казни, покажаа консултациите.

Две третини од испитаниците одговориле дека електронските пари треба да се нудат преку посредници во приватниот сектор и да се интегрираат во постојниот систем на плаќање.

Една четвртина од нив сакаат да бидат понудени во форма на „паметна картичка“ или апликација на телефон за да може да се троши офлајн.

Другите централни банки ширум светот работат на слични проекти, предводени од Кина, која веќе спроведува пилот програма.

Би можело да ве интересира

ЕЦБ: Зголемениот број ризични инвестиции се заканува да ја уништи стабилноста на еврозоната

Ана Ололовска

ЕЦБ: Последиците од климатските промени можат сериозно да ги погодат банките во еврозоната

А1он

Вакцинацијата ја турка европската економија напред, во јуни најголем скок во 15 години

Жарко Настоски

Лагард: Закрепнувањето на еврозоната од корона кризата и натаму кревко

Ана Ололовска

Пленковиќ очекува влез на Хрватска во еврозоната на почетокот на 2023 година

ЕЦБ мора да ги задржи монетарните поттикнувања бидејќи кризата се уште не е мината