ЕБОР ја зголеми прогнозата за економски раст на РСМ на четири проценти

Од:

ЕБОР ја зголеми прогнозата за економски раст на Република Северна Македонија за оваа година на четири проценти. Тоа е за еден отсто повеќе од проценката во септември 2020.

За 2022 исто така проекцијата за раст на БДП е четири отсто

-Во 2020 година, БДП се намали за 4,5 проценти на годишно ниво, како резултат на двоцифрениот пад на инвестициите и извозот, како и на падот од шест проценти на приватната потрошувачка. Овие намалувања беа донекаде урамнотежени со зголемувањето на владината потрошувачка која бележи раст од 10 отсто, стои во Извештајот на ЕБОР.

Се додава и дека индустриското производство се намали за 10 проценти, а секторот трговија, транспорт и сместување за осум отсто.

ЕБОР забалежува и дека беа спроведени низа пакети помош, фокусирани на поддршка на ликвидноста на погодените бизниси, заштита на работните места и поддршка на најранливите групи на население преку субвенции, одложувања на данок на доход, обезбедување заеми по поволни услови и
гаранции и секторска специфична поддршка.

Во првите четири месеци од 2021 година, индустријата порасна помалку од четири проценти на годишно ниво, но продажбата на мало и извозот се зголемија над 20 и 40 отсто на годишно ниво.

-Делумно закрепнување се очекува во 2021 година, со реален раст на БДП од четири проценти како резултат на закрепнувањето на извозот и приватната потрошувачка, како и одржливата потрошувачка на Владата. Интензитетот на растот се очекува да продолжи во 2022 година со четири проценти како резултат на продолжувањето на приватните инвестиции. Сепак, предвидувањата се неизвесни. Ризиците има пред се во брзината на враќање на надворешната побарувачка и во способноста на Владата да ја реализира својата амбициозна агенда за инфраструктурата, се наведува во Извештајот.

Од земјите во регионот, проекцијата за Србија годинава е шест проценти, за Албанија 4,5, за БиХ 3,5, за Косово 4 и за Црна Гора 8,5 отсто.

Би можело да ве интересира

ЕБОР иницира прва програма за циркуларна економија за Западен Балкан и Турција

А1он

ЕБОР: Домаќинствата ќе блеснат во нов сјај со поддршка на ЕУ, Австрија, билатералните донатори и ЕБОР

А1он

Влада: Одобрено е финансирањето на фотоволтаичните електрани Осломеј и Битола преку ЕБОР

А1он

Бесими: „Бас Рапид Транзит“ е „зелена економија“ – вакви проекти се потребни за побрзо економско заздравување

Ана Ололовска

Кредит од 2,5 милиони евра од ЕБОР и ЕУ наменет за малите и средните компании

Ана Ололовска

ЕБОР со поддршка на сет мерки ќе го поттикне пристапот на С. Македонија кон ЕУ

Ана Ололовска