ВИДЕО: Дуалното образование и мерката „младински додаток“ даваат резултати, вели Царовска

Од:

Компаниите во индустриските зони работат и покрај корона кризата. Секоја од нив има различна динамика, затоа и индивидуално се справува со предизвиците. Дел користеа владини мерки за поддршка, а дел се помогнати од нивните матични фирми, рече денеска вицепремиерката за економски прашања, Мила Царовска.

Според неа, со социо-економските проблеми предизвикани од КОВИД се соочува целиот свет, не само нашата земја.

Царовска заедно со директорот на Дирекцијата за технолошко индустриски развојни зони, Александар Младеновски ја посети компанијата „Витек“ во ТИРЗ во Скопје 1 и направи обиколка на производствениот погон. Со менаџментот поразговараa за работниот процес и обезбедувањето млад тим.

-Дополнително разговаравме како влијае мерката „младински додаток“ кај нивните вработени. Сметаат дека има поголем поттик младите луѓе да доаѓаат во нивната компанија и да се вклучат во работниот процес, во производство, рече Царовска, посетувајќи дека согласно мерката, секое младо лице до 23 години, вклучено во производство, добива дополнителни 3.000 денари од Агенцијата за вработување.

На овој начин, подвлече вицепремиерката, Владата сака директно да ги поттикне младите да бидат позаинтересирани за работа во производство.

Од „Витек“ информирале дека секое лето организираат пракса, како и дека потоа, половината од учениците што доаѓале на пракса, останувале во компанијата. Тоа покажува, рече Царовска, дека системот на дуално образование ќе даде резултат.

Директорот на Дирекцијата за ТИРЗ, Младеновски соопшти дека „Витек“ планира проширување, реализирање уште една, четврта фаза, и нови 100 вработувања.

Би можело да ве интересира

Финансиска поддршка за технолошки развој за 87 компании, најголем дел се микро претпријатија

Ана Ололовска

Битиќи: Не доцниме со четвртиот пакет мерки

Ана Ололовска

Неблагодарно е јавните пари да се делат по етничка основа, смета вицепремиерот за економски прашања

Ана Ололовска

Најавена таргетирана поддршка за фирмите, следната недела нови антикризни мерки

Ана Ололовска

Средба Битиќи – Сахакјан: Активна е соработката на Владата со УНДП во спроведување на проекти за Целите за одржлив развој и Агендата 2030

Ана Ололовска

Екстра помош за нови вработувања за компаниите, мерката 14.500 ќе се развива со поголема поддршка за повеќе погодените, најави Заев во новиот пакет мерки

Ана Ололовска