Дојче телеком укинува 1.200 работни места

Од:

Дојче телеком планира да укине 1.200 работни места во Германија со цел да заштеди 100 милиони евра годишно.

Планираните намалувања се составен дел од програмата за реорганизирање и треба да бидат спроведени до јуни, пишува германскиот бизнис весник Ханделсблат.

Реорганизацијата, односно намалувањето на бројот на работни места, најпрво ќе ги опфати одделите за маркетинг, оданочување и администрација.

Весникот Ханделсблат наведува дека компанијата мора да насочи повеќе ресурси во инфраструктурата за широкопојасен пристап до интернет, за мобилни интернет услуги и телекомуникациски мрежи, поради што планира да вработи повеќе работници во некои од тие оддели.

Дојче телеком на почетокот на декември 2012 година најави дека во следните три години ќе инвестира 30 милијарди евра во модернизирање на фиксната и мобилна мрежа, најпрво во Германија, а потоа и во САД.

Само за оваа година планирани се инвестиции во вредност од 9,8 милијарди евра.

Би можело да ве интересира

Истрага против возачот на превртениот германски автобус во кој имаше загинати и повредени

Најмалку пет лица загинаа во автобуска несреќа кај Лајпциг

Горан Наумовски

Во Германија: Момче до смрт ги избодел родителите и братот, тешко си ја ранил сестрата

Ученик во Дрезден испуштил солзавец на час, 30 ученици се пренесени во болница

Германското обвинителство покрена истрага за разговорите за напад на мостот на Крим

Скок во приходите и профитот на голем германски производител на оружје