Заменик министерот за земјоделство Зоран Коњановски на собраниската комисија за земјоделство кажа дека исплатата на субвенциите е во тек и дека до законскиот краен рок, најголемиот дел од субвенциите ќе бидат исплатени. Министерството за земјоделство одлучило дека приоритет во исплатата треба да имаат сточарите.
Останува отворено прашањето дали и другите земјоделци, вклучувајќи ги и тутунопроизводителите ќе ги добијат своите субвенции до крајниот законски рок или сепак ќе мора да почекаат за парите. Согласно член 61 од законот за Земјоделство и рурален развој, исплатата на субвенциите за 2011 година треба да заврши до 30 јуни оваа година.