Димитров: Над 6000 текстилни работници во земјава на колективен одмор

Од:

Над 6000 текстилни работници во земјава заминаа на колективен одмор. Претседателот на Организација на работодавачи, Ангел Димитров вели дека од вчера на одмор се работниците, а половина од нив се од Штип.

Работодавачите оваа одлука ја донеле поради недонесувањето на петтиот пакет мерки од страна на македонските пратеници и неизвесноста од локдаунот во Германија и останатите членки на ЕУ.

-Работниците се пуштени на одмор, користат две недели од годишниот одмор за 2021 година. Од утринава имав повици од неколку компании од источниот регион. Се надевам дека пратениците конечно ќе помислат на народот, а не на партиите. Во моментов немаме волшебно стапче, ова е преоден период, доколку не се донесе петтиот пакет мерки, од компаниите први ќе си заминуваат работниците со договори на определно, а потоа ќе следи и прогласување технолошки вишок, вели Димитров.

Државната помош ќе ги спаси работните места, а се очекува кон половината на годината да се имаат нарачки и ќе се знае реално состојбата во текстилниот сектор. Во моментов конфекциите немаат нарачки за шиење модна облека.

Би можело да ве интересира

15 починати лица и 227 нови случаи на Ковид-19

Повеќе од 10 проценти позитивни од тестираните на Ковид-19

482 нови случаи на Ковид-19, вкупно починати 17 лица

Катерина Павлова-Николовска

Бројот на починати од Ковид-19 во земјава надмина 7.000

Четворица починати и 411 новозаразени од Ковид-19

А1он

74% од новите случаи и 76% од хоспитализираните со Ковид-19 се невакцинирани

Ана Ололовска