Димитриеска Кочоска: МФ да го откаже незаконски свиканото Собрание на ИСОС

Од:

Дополнителната заменик-министерка за финансии Гордана Димитриеска Кочоска укажува на незаконски свиканата денешна седница на Собранието на Институтот на сметководители и овластени сметководители и го повика Министерството за финансии да го откаже свиканото Собрание.

– До мене како дополнителен заменик министер за финансии, се пристигнати реакции од членови на ИСОС (Институт за сметководители и овластени сметководители), за незаконски и неовластено организирани состаноци од страна на Министерството за финансии, поради деблокирање на работата на Институтот на сметководители и овластени сметководители, информира денеска дополнителната заменик-министерка, наведувајќи дека побарала дополнителни информации за тоа и дека била известена дека се организираат состаноци со претставници на сите организации на сметководители, со цел да се одблокира работата на Институтот на сметководители и овластени сметководители.

Според неа, Министерството за финансии фактички се јавува во улога на регулатор на сметководителите и овластените сметководители, иако не постои законска основа за тоа и доколку се одржи Собрание на ИСОС свикано на таков начин ќе се доведе во прашање и легитимноста и законитоста на одлуките што ќе произлезат од тоа Собрание, а се поставува прашањето и за исправноста и основаноста на предложените точки на дневен ред на Собранието на ИСОС, кои не произлегуваат од самите органи на Институтот.

-Сметам дека е недопустливо органот кој по закон е должен да се грижи за почитување и правилна примена за законските одредби од Законот за вршење на сметководствените работи самиот да врши груба повреда на процедурите и правилата на ИСОС за работата на сметководителите и овластените сметководители со што се прави упад во самостојноста и организацијата на ИСОС, потенцира Димитриеска Кочоска.

Како што додава се надева дека разумот ќе надвладее и Министерството за финансии на чело со министерката ќе застане на патот на овие незаконски дејства и ќе го откаже свиканото Собрание на Институтот на сметководители и овластени сметководители кое е закажано за денес. -Со тоа, смета таа, ќе овозможи преку транспарентна и законска процедура правилно да се насочи работењето на Институтот на сметководители и овластени сметководители и конечно да се застане на патот на кршењето на Законот за вршење на сметководствени работи.

Би можело да ве интересира

Зајакната координација на финансиските регулатори за одржување на финансиската стабилност

Ана Ололовска

До денеска одговор од банките по барањето за интерес за заем од 400 милиони евра до еврообврзницата

Ана Ололовска

Ангеловска: Не се разговара за целосно укинување или стопирање на проектот Мој ДДВ

Ана Ололовска

(ВИДЕО) Ангеловска: Каматите на кредитите не може да бидат опростени или укинати, банкарскиот систем мора да функционира

Маја Илиевска-Пачемска

ВИДЕО: Ќе се кратат дополнителни непродуктивни расходи од Буџетот

Ана Ололовска

(ВИДЕО) Ангеловска: Имаме три сценарија за справување со последиците од коронавирусот

Ана Ололовска