Францускиот производител на автомобили Цитроен ќе го претстави концептот ДСХ на Саемот на автомобили во Шангај, кој се одржува од 21 до 29 април годинава.
Концептот претставува најава на нов модерен Цитроен модел во СУВ сегментот.
Изработен врз платформа на моделот ДС5, концептот ДСХ во производство ќе влезе најверојатно во 2014 година, најпрво на кинескиот, а потоа и на европскиот пазар. Автомобилот ќе биде долг 4,7 метри, а во понудата се очекува да се најдат бензински и дизел агрегати, како и дизел-електричен модел.
Моделот со погон на четири тркала, електричниот мотор ќе ги придвижува задните тркала, додека конвенционалниот дизел агрегат силата ќе ја испорачува на предната оска. Моделите со бензински и дизел мотори нема да бидат достапни со погон на сите тркала.
Европската верзија ќе има дизел-хибриден погон составен од ХДИ дизел агрегат со 163 коњски сили и електричен мотор со 37 коњски сили. Во кина ДСХ ќе го придвижува 1,6 литарски ТХП бензински мотор кој испорачува 243 коњски сили.
Почетната цена на Цитроен ДСХ во Европа се очекува да биде околу 39.000 евра.