Четврти ден општа расправа за ребалансот на Буџетот

Од:

Собранието денеска, во рамки на 47 седница, ја продолжи општата расправа за дополнетиот ребаланс на Буџетот во кој се вметнати и осумте амандмани усвоени на Комисијата за финансирање и буџет. Општата расправа почна во четвртокот, а може да трае пет дена.

Петар Ристески од ВМРО-ДПМНЕ истакна дека ребалансот на буџетот генерира корупција, криминал, сиромаштија, богатење на политичките елити. Ребалансот, како што рече, дополнително ќе ја зголеми сиромаштијата и ќе ја втурне државата и македонскиот народ во уште поголема сиромаштија и бесперспективност.

Ристески додаде дека овој ребаланс на Буџет е најголем во историјата на државата, од 4.37 милијарди евра. Смета дека тоа се многу пари, а малку капитални проекти, малку инвестиции, малку средства издвоени за проекти што ќе значат подобрување на животот во секојдневието на македонските граѓани.

Според него, овој ребаланс на Буџет е лош и се предвидува дефицит од 6,5 отсто. Во 2021 година, како што рече, ќе имаме зголемување на јавниот долг на државата. Укажа дека јавниот долг во моментов е највисок во историјата и изнесува 7,2 милијарди евра.

Диме Велковски од СДСМ реплицирајќи рече дека не се согласува со Ристески и дека во ребалансот на буџетот точно се дефинирани кои суми, каде, зошто и како треба да се потрошат до крајот на оваа година. Тие, како што истакна, се за економијата, стопанството… Потсети и на шесте пакети антикризни економски мерки кои се за зачувување на работните места. Велковски рече дека буџетот е многу реален, а не лицемерен.

Пратениците од опозицијата посочија дека ништо не се гради и инвестира, цените се повисоки, граѓаните се повеќе се задолжуваат, странските инвеститори ја напуштаат земјава, нема прочистување на судството, нема пари за здравството, а во следниот период ќе има, како што рекоа, вработување на партиски поддржувачи во администрација… Според нив, со оваа власт нема стабилна економија и нема капитални инвестиции и ова е, како што рекоа, „ребаланс за чиста манипулација“.

Лидија Тасевска од СДСМ истакна дека она што е најважно е дека продолжува финансискиот стимул за компаниите и за граѓаните, до целосно враќање на економијата на патот на економскиот раст.

Ја повика опозицијата да го поддржи ребалансот на буџетот и додаде дека тој е од заеднички интерес и само тој гарантира стабилна развојна економија и шанса за сите граѓани.

Собраниската расправа за ребалансот на Буџетот ќе продолжи во 15:30 часот.

На дневен ред на 47-та седница, по Дополнетиот предлог за изменување и дополнување на Буџетот за 2021 година, се уште 46 точки. Како втора точка е Предлог-резолуцијата за утврдување на македонските државни позиции во контекст на блокадите на европските интеграции, која првично требаше да биде деветта точка.

Би можело да ве интересира

МФ: Усвоен Буџетот за 2024 во Собранието, носи инвестиции, развој и одржливост

Пренџов: 20 години ДУИ ги поддржува сите буџети на државата, пари за автопати, мостови и граѓаните нема, ама за бизнисите на челниците на ДУИ има

Горан Наумовски

Собранието го донесе Буџетот за 2024 година

Горан Наумовски

Втор ден општа расправа по Дополнетиот предлог буџет за 2024 година

Воздухот енормно загаден, а пратениците одбиваат амандмани за Буџетот со кои ќе се намали аерозагадувањето

Орце Костов

Расправа за Дополнетиот предлог буџет за 2024, економскиот раст проектиран на 3,4 проценти, инфалацијата на 3,6