Британската централна банка ги зголеми каматните стапки на највисоко ниво во изминатите 27 години

Од:

Банката на Англија денеска ги зголеми каматните стапки за половина процентен поен, најмногу во изминатите 27 години, и покрај предупредувањата за долга рецесија што претстои, бидејќи се бори да ја заузда инфлацијата што се проценува дека ќе надмине 13 проценти.

dobivaj vesti na viber

Комитетот за монетарна политика на БоЕ го поддржа зголемувањето на каматните стапки за 0,50 процентни поени на 1,75 отсто, што е највисоко ниво од крајот на 2008 година.

Гувернерот Ендрју Бејли рече дека сите опции се на маса за следниот состанок на БоЕ во септември.

Фунтата падна за 0,6 отсто во однос на американскиот долар на 1,20 долари откако Комитетот за монетарна политика на BoE ја зголеми референтната каматна стапка.

Британската централна банка објави и дека предвидува дека домашната економија ќе влезе во рецесија во четвртиот квартал од оваа година, а економскиот пад ќе трае во текот на следната година.

BoE проценува пад на бруто домашниот производ (БДП) на Велика Британија од дури 2,1 отсто, што би било најголема стапка на пад на БДП од глобалната финансиска криза пред повеќе од една деценија.

Централната банка, исто така, ја ревидираше нагоре својата прогноза за инфлацијата од првично прогнозираниот врв од 11 отсто на повеќе од 13 отсто подоцна оваа година, при што се очекува растот на цените да продолжи и во 2023 година.

Би можело да ве интересира

На британските доброволци заробени од страна на руските сили во Украина ќе им се суди за платеништво

Катерина Павлова-Николовска

Русија воведе санкции против уште 39 Британци

Двојно зголемен бројот на деца кои користат електронски цигари во Велика Британија

Ана Ололовска

Десет лица осудени за сексуално насилство во Британија пристигнаа во Полска по инвазијата на Украина, соопшти британската полиција

Ана Ололовска

Во британските реки и езера во изминатите неколку дена се удавија 13 лица

Ана Ололовска

Сунак и Трус во трка за лидер на британската Конзервативна партија

Ана Ололовска