Боинг со загуба од речиси 5 милијарди долари поради приземјувањето на „737 Макс“

Од:

Американскиот производител на авиони „Боинг“ соопшти денеска дека неговата добивка во вториот квартал ќе биде намалена за 4,9 милијарди долари.

Загубата се случува по еднократниот трошок, кој компанијата го претрпе поради приземјувањето на својот авион „737 Макс“ низ светот по двете катастрофални несреќи.

Тоа воедно ќе биде и најголема квартална загуба во историјата на „Боинг“ откако компанијата во следниот период ќе ги објави своите финансиски резултати.

Имено, вкупните трошоци на Боинг поради намалениот обем на продажба, падот на производството и исплатата на отштетите на семејствата на жртвите во двете катастрофални авионски несреќи, ќе изнесуваат 6,6 милијарди долари, а во таа сума не спаѓаат финансиските средства што компанијата ќе мора да ги издвои за тужби, кои, како што се очекува, ќе ги поднесат членовите на семејствата на жртвите.

„Боинг“ соопшти дека „737 Макс“ би можел да се врати во употреба на есен. Тој тип на авиони е приземјен откако еден се урна во Индионезија во октомври 2018 година, а вториот во Етиопија во март оваа година. Вкупно загинаа 346 патници и членови на екипажите.

Би можело да ве интересира

САД го стопираат производството на авионот „Боинг 747-8“

Ана Ололовска

„Боинг“ почнува со тестирања на повлечениот модел „737 Макс“

Ана Ололовска

Извршниот директор на „Боинг“: Компанијата се наоѓа во опасност поради пандемијата

А1он

Авиокомпанијата „Боинг“ најавува план за кој предвидува „доброволно“ заминување на вработените од компанијата

А1он

Боинг со загуба од 18 милијарди долари, во јануари без ниту една нарачка

Ана Ололовска

Нов софтверски проблем во авионот „Боинг 737 MAX“

Ана Ололовска