Богатите Руси го префрлаат богатството во Дубаи

Од:

Богатите Руси се преокупирани со трансфер на барем дел од своето богатство од Европа во Дубаи за да го заштитат својот имот од поостри санкции против Русија поради инвазијата на Украина, изјавија финансиски и правни извори, објави Фајненшал тајмс.

Дубаи, финансиски и деловен центар познат по недостигот на строга регулатива, долго време е познат како магнет за ултрабогатите во светот, а одбивањето на Обединетите Арапски Емирати да застанат на страната на Западот и Москва беше сигнал до Русите дека нивните парите би биле безбедни. ОАЕ се воздржаа од осуда на руската инвазија на Украина за време на гласањето во Советот за безбедност на ОН. Емиратите, кои ги продлабочија врските со Русија во последниве години, не воведоа санкции од западен стил, ниту пак централната банка на ОАЕ издаде инструкции за санкции од САД и европските сојузници.

Во секој случај, богатите Руси во моментов во Лондон и Швајцарија се обидуваат да го пренесат своето богатство на безбедно, изјави банкар во голема швајцарска приватна банка.

Ова го потврди и адвокат во Дубаи, кој рече дека неговата компанија добила прашања од руски поединци и компании за тоа како тие брзо можат да префрлат „значителни средства“ во вредност од стотици милиони долари во арапската земја во Персискиот залив.

„ОАЕ е погодно место (за бизнис) – на само неколку часа и без регулатор што е во договор со западните регулатори“, рече менаџерот за инвестиции.

Руски клиенти со сметки во приватни банки, откри еден банкар, отвораат сметки во регионалната канцеларија на истата банка во ОАЕ, додека некои други отвораат сметки во локалните банки. Тие исто така се обидуваат да инвестираат пари во недвижен имот и фондови кои не откриваат информации за имотот.

Би можело да ве интересира

Зеленски слета во Париз

Ана Ололовска

Зеленски: Велика Британија им помага на „украинските воини да станат посилни“

Ана Ололовска

Блинкен: Ќе носиме одлуки согласно украинските потреби

Ана Ололовска

Австралиски војници ќе обучуваат украински сили во Велика Британија

Ана Ололовска

Сунак не исклучи ништо во однос на воената помош за Украина

Ана Ололовска

Писториус: Тенковите Леопард 2 би можеле да пристигнат во Украина во март или април

Ана Ололовска