Бочварски: Ги пречекавме првите патници од првиот лет Скопје – Софија, воспоставуваме нови авионски врски

Од:

Утрово на Меѓународниот аеродром Скопје, министерот за транспорт и врски, Благој Бочварски, ги пречека патниците кои пристигнаа со првиот комерцијален лет на релација Софија – Скопје.

dobivaj vesti na viber

Како што информира Министерството за транспорт и врски, со ова започнува да се реализира редовната авиолинија Софија – Скопје што произлезе од договорот меѓу мешовитите владини комисии на двете земји.

Авиокомпанијата Гуливер ќе ги поврзува главните градови два пати во неделата, со интенција оваа линија да се поврзе и со аеродромот во Охрид.

Министерот Бочварски изрази задоволство од воспоставувањето на овој лет и најави можност за отворање линии и кон други нови дестинации.

„Ме радува што во многу брзо време најдовме согласност и заеднички со Република Бугарија ја воспоставивме оваа линија. Работите се движат во посакуваниот правец и веќе ги гледаме резултатите од работењето на мешовитите групи со колегите од Бугарија. Летот Софија – Скопје од денеска почнува да сообраќа и првите патници веќе пристигнаа во Скопје. Им посакувам добредојде во нашата држава и испраќам порака дека нашата земја има што да понуди во делот на туризмот. Остануваме посветени со нашите пријатели и во наредниот период во изнаѓање на решенија со кои ќе ги зацврстиме пријателските односи и кои ќе донесат економски бенефит за двете држави“, изјави министерот Бочварски од аеродромот во Скопје.

Министерството за транспорт и врски вели дека ќе продолжи со креирање политики за развој на авиосообраќајот во земјата и отворање на нови дестинации за нашите граѓани.

Би можело да ве интересира

Ковачевски: Вложуваме во современа патна инфраструктура за севкупен економски развој

Ана Ололовска

Бочварски во Брисел: Потребна е забрзана изградба на транспортните коридори и силна поддршка од ЕУ

Ана Ололовска

Бочварски за новиот пат Кичево-Дебар од 20 милиони евра: Има добар прогрес, очекуваме на почеток на ‘24 година комплетно да биде завршен

Маја Илиевска-Пачемска

Пораст на патничкиот авиосообраќај во деветте месеци на 2022

Ана Ололовска

ВИДЕО: Петти месец хаос на Плетвар, асфалтирањето треба да заврши за две недели

Маја Илиевска-Пачемска

Бочварски: Рехабилитиран транзитот низ Штип, дополнително потпишани договори за реконструкција на четири улици во градот

Ана Ололовска