Бизнис заедницата очекува повисок раст од проектираниот

Од:

Раст на економијата над проекцијата од 2 проценти годинава очекува и бизнис заедницата во Македонија. Очекувањата ги темелат на зголемениот извоз кон европските земји и податоците за раст на БДП во првите два квартала од годинава.

dobivaj vesti na viber

Ова го истакнаа претседателот на Стопанската комора на Македонија Бранко Азески и извршниот директор на Сојузот на стопанските комори на Македонија Митко Алексов по најавата на гувернерот на Народната банка на Република Македонија дека се очекува растот на БДП да биде над 3 отсто.

– Очекуваме повисок раст затоа што го зголемивме во овој период извозот кон Западна Европа за 10 проценти што значи дека е позитивна тенденција, изјави Азески и додаде дека и во наредниот период очекуваат да има повисока стапка и дека тој оптимизам се пренесува и во Буџетот во 2014 година.

Алексов потенцира дека очекува годината да заврши со раст меѓу 2 и 2,5 проценти и оти ако биде повеќе ќе биде добро и за бизнис заедницата.

– На крајот од минатата година предвидувањата беа дека растот ќе биде 2 проценти. Позитивните движења во еврозоната во првиот и во вториот квартал позитивно се рефлектираат на нашето стопанство, особено во делот на зголемување на нашиот извоз. Податоците што ги имаме за економскиот раст во првиот и во вториот квартал се поголеми од очекувањата, но сепак очекуваме овие трендови да продолжат и во втората половина од годинава, можеби не со таков интензитет како во првиот и вториот квартал. Како и да е, годината ќе ја завршиме позитивно помеѓу 2 и 2,5 проценти доколку биде и повеќе тоа ќе биде подобро и за нас, истакна Алексов.

Во однос на најавената законска регулатива за финансиска дисциплина Азески посочи дека бизнис заедницата ја поздравува.

– Ова е голема новина. Очекувам да има проблеми во примената, но подготвени сме за сите ризици и ако има компликации ќе се вршат дополнителни интервенции, истакна Азески.

Би можело да ве интересира

Туристичко-угостителската комора подготвена да обезбеди 5.000 работници за спас на секторот

Ковачевски: Со дијалогот со бизнис заедницата и со граѓаните ќе ја надминеме и оваа криза како победници

А1он

Ангелоски на „Дубаи Експо“: Произведуваме врвни производи, привлекувањето на странски инвестиции високо на агендата

Ана Ололовска

Лазаров: Меѓувладината седница во Софија покажува дека работите повеќе нема да бидат ставани под тепих

Ана Ололовска

Комората ќе ја повлече иницијативата пред Уставниот суд, ќе се најдат решенија за предизвиците околу недела неработен ден

А1он

Лазаров: Економијата ќе ја проектира иднината, а не историјата

Ана Ололовска