Битиќи: Новата развојна економија на Македонија ќе биде целосно подготвена и конкурентна за влез во ЕУ

Од:

Во моментов работиме на усогласување на нашиот царински тарифник со ЕУ регулативите, нашата поддршка за странските инвестиции е исто така во согласност со европските правила, што значи само едно, предвидлива бизнис клима. Северна Македонија ја креира својата нова развојна економија која целосно подготвена ќе го дочека влезот во ЕУ, истакна заменик-претседателот на Владата, задолжен за економски прашања, координација на економските ресори и инвестиции, Фатмир Битиќи, на форумот „Стратешки економски разговори“ во Хрватска.

Битиќи, на интерактивната сесија „Економските стратегии на Република Северна Македонија во постпандемскиот период и напредокот на преговарачкиот процес за членството во ЕУ“, дополни дека постојано се работи на унапредување на бизнис климата и креирање на мерки со кои дополнително ќе се стимулира раст и развој на економијата.

– Кризата предизвикана од пандемијата со коронавирусот секако дека имаше ефект врз нашата економија, како што имаше и на другите економии во светот, но Владата презеде чекори кои ефикасно го ублажија ударот и веќе сега ги гледаме позитивните резултати од правовремените економски мерки. Со реализација на шест пакети економска помош, вбризгавме во стопанството 1,2 милијарди евра со што ја задржавме ликвидноста на компаниите и помогнавме да се спасат 80.000 работни места за нашите граѓани. За жал, околу 20.000 наши граѓани ги изгубија своите работни места, но имаме план истите да се вратат назад на пазарот на труд во многу кус временски период, рече Битиќи.

Вицепремиерот посочи дека економските пакети за помош имаат позитивен ефект и врз движењето на БДП, па така, како што образложи. минатата година ја завршивме со пад на БДП од 4,5 проценти, кој можеше да биде многу подрастчен и да изнесува над 8,7 отсто, доколку не ги спроведовме антикризните економски пакети на мерки.

Тој додаде дека паралелно со реализација на мерките за поддршка на граѓаните и стопанството, во услови на криза, Владата создаваше мерки кои што ќе стимулираат засилен развој на компаниите, со цел што поконкурентни да влезат во пост-пандемскиот период.

– Пандемијата забрза процеси кои веќе одамна се нужни да се случат во нашата економија. Еден од тие процеси е дигитализацијата, која зема голем замав. Покрај дигитализација, она што мислам дека на сите ни е јасно е дека мораме да работиме кон враќање на производството дома и креирање на додадена вредност во нашето производство. Креирање на регионален пазар кој е конкурентен е нешто што треба да се случи уште утре, кога е веќе јасно дека набавката која се извршуваше, на пример од Кина, стана неодржлив концепт, и сите мораме да работиме кон креирање на решение за овој проблем. Колку побрзо го фатиме чекорот, толку побрзо сите ќе одиме напред. Регионалната конкурентност на земјите од Западен Балкан е за доброто на сите, на сите граѓани, а секако и за бизнисот, подвлече вицепремиерот.

Би можело да ве интересира

Над 2.500 земјоделски и прехранбени производи се очекува да поевтинат со новиот закон за нефер трговски практики

Орце Костов

Битиќи: Ако не успее сега, владата на СДСМ по 9 мај ќе ги продолжи стратешките инвестиции во енергетиката

Работниците со ниски приходи ќе добијат 3.555 ваучери за туризам од 300 евра

Орце Костов

Субвенции за клими: За југозападна Македонија ваучери од 25.000 денари, за останатите 2000 помалку

Орце Костов

Ковачки: Постојат сериозни сомнежи за трговија со влијание на Битиќи и Муслиу, за нивните сопруги да добијат 620.000 евра грант, а ЈО молчи четири дена

Путин: Русија ја престигна Германија и стана првата економија во Европа

Горан Наумовски