Бесими: Со Светска банка се разговара за тоа како да го подобриме системот за управување со финансиите

Од:

Проектот за интегриран информациски систем за управување со финансиите, којшто ќе овозможи интегрирано следење на приходите и расходите од нивното планирање до целосната реализација, како и проектите за локални патишта, иновации и конкурентност, и за одржлив развој на општините се приоритетните проекти што треба да се реализираат во рамки на четиригодишната стратегија за партнерство што Република Северна Македонија ја има со Светска банка, беше потенцирано на состанокот помеѓу министерот за финансии, Фатмир Бесими, гувернерката Анита Ангеловска-Бежоска и тимовите на Министерството за финансии и Народната банка со потпретседателката на Светска банка за Европа и Централна Азија, Ана Бјерде, што се одржа во рамки на Годишните средби на ММФ и Светска банка.

На состанокот стана збор и за договорот којшто ќе овозможи реализација на Проектот за итно справување со ковид-19, а којшто беше потпишан неделава. Воедно се разговараше и за Проектот за модернизација на земјоделството, чијашто реализација ќе се овозможи по усвојување на Законот што е во собраниска процедура.

Во рамки на годишните средби, министерот оствари средба и со Џорџина Бејкер, потпретседателка на Меѓународната финансиска корпорација (ИФЦ), членка на Групацијата Светска банка. Во соработка со ИФЦ, во моментов се спроведуваат неколку проекти, меѓу кои е и проектот за Поврзување на компаниите од Западен Балкан во делот на производствениот синџир на вредности. Проектот ќе помогне да се воспостави регионална електронска платформа којашто ќе ги поврзе локалните МСП со локалните и глобалните компании, за што во тек е изработка на платформа. Во рамки на проектот ќе се работи и на надградба и продлабочување на капацитетот на локалните фирми.

Би можело да ве интересира

Преку проект на Светската банка ќе се модернизираат и ќе се поврзуваат платните системи на Западен Балкан

Светска банка планира да одвои околу 700 милиони евра за спроведување на новата стратегија за соработка со Македонија

МФ: Новата ПЕР 2024-2026 усвоена од Владата, поставена основа за нашата Реформска агенда за Планот за раст на Западен Балкан

Светска банка: Македонска економија годинава со раст од 2,5 отсто, а во 2025 од 2,9 отсто

Бесими: Минатата година највисока реализација на капиталните инвестиции

Нема пари во Буџетот за зголемување на платите на функционерите во 2024 година, тврди Бесими