Бесими: Префрлени се четири милијарди денари на ЕСМ за обезбедување на дополнителни количества струја

Од:

Министерот за финансии Фатмир Бесими уверува дека се преземаат соодветни чекори за ублажување на последиците од енергетската криза. Од Буџетот за 2021 година веќе се префрлени четири милијарди денари на АД Електрани на Северна Македонија (ЕСМ) за обезбедување дополнителни количества електрична енергија, вклучително и балансна енергија.

dobivaj vesti na viber

– Во насока на ублажување на последиците од оваа енергетска криза која е со пошироки размери и не ја опфаќа само РС. Македонија се преземаат соодветни чекори. Веќе е прогласена кризна состојба во снабдувањето со електрична енергија и се преземаат мерки и активности насочени кон обезбедување дополнителни количини електрична енергија, вклучително и балансна енергија и резерва на активна моќност согласно утврдената кризна состојба, истакна Бесими во интервјуто за МИА.

Дополнително, за заштита на најранливите категории, Министерството за труд и социјална политика во координација со Министерството за економија се задолжени да подготват мерки за поддршка на социјално ранливите категории за да користат дополнителни средства за заштита од енергетска сиромаштија.

– Ваква мерка веќе се спроведува и имаме 45.622 корисници од ранливи категории кои добиваат 1000 денари додаток за покривање на трошоци за греење. Мерка која, исто така, ја донесовме и веќе се спроведува, а беше во насока токму на заштита на стандардот на граѓаните, е намалувањето на ДДВ кај електричната енергија од 18 на 5 проценти за домаќинствата, наведува Бесими.

Нагласува дека состојбата се следи и оти очекувањата се дека ситуацијата на глобално ниво ќе се стабилизира најдоцна до средината на наредната година.

Би можело да ве интересира

И Велика Британија со можни рeстрикции на струја во текот на зимата

А1он

Бесими: Дали ќе има прогресивен данок или не – ќе се одлучи низ јавна дебата

Ана Ололовска

Швајцарија ги советува граѓаните да купуваат свеќи и дрва поради проблем со електроснабдувањето

А1он

Италија ќе им исплаќа по 200 евра на семејствата со ниски и средни примања во борба против инфлацијата

А1он

Преодниот премиер на Бугарија создаде специјален штаб за справување со енергетската ситуација, утре ќе биде првиот состанок на преодната влада

Иконому: Не постои веројатност за задолжителни прекини на струја за домаќинствата