Бесими на средби во Трезорот на САД – Поддршка од САД за развој на капацитетите за управување со јавните финансии и сузбивање на сивата економија

Од:

Канцеларијата за техничка помош на Трезорот на САД (ОТА) е подготвена да го поддржи развојот на капацитетите за управување со јавните финансии, како и борбата против сивата економија и политиките за спречување перење пари.

Ова беше дискутирано на средбата помеѓу министерот за финансии, Фатмир Бесими и заменик-помошникот на секретарот за техничка поддршка во Трезорот на САД, Вилијам Лари Мекдоналд во Вашингтон.

Министерот Бесими истакна дека изминативе години Владата на РС Македонија активно работеше на мерки и планови за намалување на неформалната економија, во чиишто рамки е и Акцискиот план за сузбивање на сивата економија изработен од страна на Министерството за финансии. Дополнително, новиот Закон за буџети е клучна реформа што се спроведува во јавните финансии со цел да обезбеди рамка за водење здрава, предвидлива и одржлива фискална политика. Техничката помош од САД во овие активности би била од клучно значење.

Воедно на средбата се разговараше и за можностите за продлабочување на економската соработка и реализацијата на нови проекти во соработка со УСАИД и Амбасадата на САД во земјава.

Двете страни се согласија дека во моментов приоритетно е справувањето со енергетската и ценовната криза со истовремено одржување на макроекономска стабилност, а во таа насока е новиот сет на мерки донесен од Владата.

Во рамки на Годишните состаноци на ММФ и Светска Банка, министерот Бесими ќе оствари средби и со извршниот директор на Светска банка, Кун Давидсе, потпретседателот на Светска банка, Ана Бјерде, како и со извршниот директор на ММФ, Пол Хилберс и директорот на Одделот за Европа на ММФ, Алфред Камер.

Би можело да ве интересира

Бесими: Нема замрзнување на платите, работиме на системско и одржливо решение за раст на платите во јавниот сектор

Горан Наумовски

Бесими: Целосна интеграција во ЕУ значи реформи, решавање предизвици и долгорочна стабилност во регионот

Горан Наумовски

Бесими: Нема експропријација на дивоградби, законски измени заради забрзана динамика и пониски трошоци за реализација на проектите

Ана Ололовска

МФ: Интересот за еврообврзницата поголем за половина милијарда евра од претходната аукција

Ана Ололовска

ССМ најави кривична пријава против министерот за финансии Фатмир Бесими

Ана Ололовска

Најава за генерален штрајк од Синдикат на вработените во Министерството за финансии

Ана Ололовска