Бесими: Иновативни начини за финансирање на инвестициите во јавниот и приватниот сектор преку Планот за забрзан економски раст

Од:

Планот за забрзан економски раст денеска беше претставен пред стопанските комори, банките, Дирекцијата за Технолошки индустриски развојни зони, Развојната банка и Фондот за иновации и технолошки развој (ФИТР).

dobivaj vesti na viber

Планот е насочен кон инвестиции во јавните проекти, во приватниот сектор, реформските политики и институционалните реформи, а приоритетни области на кои ќе биде фокусиран се зелената економија, дигитализацијата, иновациите и технолошкиот развој, човечкиот капитал и социјалната кохезија. Средствата за реализација ќе се обезбедуваат од Буџетот, но и преку меѓународни и билатерални финансиски инститиуции, приватни институционални инвеститори, банки и преку грантови.

– Во насока на нашите заложби за фискална консолидација, а воедно и заложбите за удвојување на економскиот раст и постигнување годишни стапки на раст на БДП од околу 5 проценти, Министерството за финансии го подготви Планот за забрзан економски раст. Целта на Планот е да се зголемат вкупните инвестиции во економијата, а притоа да се остане на зацртаниот курс да се намалува постепено фискалниот дефицит, а со тоа и да го задржиме долгот на стабилно ниво, истакна министерот за финансии Фатмир Бесими.

Планот се очекува да биде усвоен од страна на Владата, а активностите се предвидени за периодот од 2022-2026 година.

– Главната поента на Планот е преку креирање и користење нови механизми, инструменти, фондови и извори на финансирање да се создаде позитивен мултипликативен ефект, односно покрај планираните јавни инвестиции во износ од околу 4 милијарди евра за периодот 2022-2026 година, финансирани од буџетот, ИПА фондовите и меѓународните финансиски институции, да се мобилизираат неколкукратно повеќе средства и инвестиции од приватниот сектори, потенцира Османи и оцени дека со тоа ќе се влијае не само на зголемување на вкупните инвестиции и забрзување на растот, туку и на отворањето нови работни места.

Дел од инструментите кои веќе се на располагање и новите инструменти предвидени во Планот беа претставени од страна на директорот на Развојната банка, Кире Наумов, директорите на ФИТР, Коста Петров и на Дирекцијата за ТИРЗ Јован Деспотовски.

Денешната дискусија се одржа во рамки на СЕФФ платформата која е активна по одржувањето на Првата конференција на МФ во септември годинава.

Би можело да ве интересира

Бесими – Улман: Швајцарија, еден од најголемите развојни партнери на РС Македонија, се зајакнува економската соработка

Ана Ололовска

Средба на министерот Бесими со првиот човек на ММФ Кристалина Георгиева: ПЛЛ се доделува на земјите со добри економски политики

Ана Ололовска

Министерот Бесими на средби во Светска банка: Oдговор на влијанието од енергетската и ценовната криза, но и фокус кон натамошен долгорочен развој

Ана Ололовска

МФ: Се отвора финансискиот пазар за нови даватели на услуги, нови услуги, пониски трошоци и заштита на потрошувачите

Ана Ололовска

Средба на министерот за финансии со Мисија на СБ: Подготвуваме решенија за инвестиции на компаниите во зелена и дигитална трансформација

Ана Ололовска

МФ: Над 40 милиони евра поддршка за стопанството со бескаматни и поволни кредитни линии преку РБСМ, како дел од последниот пакет мерки

Ана Ололовска