Бектеши: За укинување или одложено дејство на Законот за трговија на зелените пазари е надлежно Собранието

Од:

Состојбите со протестите на пазарџиите во Скопје околу примената на Законот за трговија на зелените пазари може да се разрешат со меѓусебни разговори, но и вклучување и на други институци во процесот, изјави денеска министерот за економија Крешник Бектеши по посетата на неколку компании во тетовско.

Тој посочи дека за барањето околу одложувањето на примената на Законот или негово укинување како Министерство немаат надлежнот, туку тоа е надлежност на Собранието.

– Во моментот на усвојување на овој Закон во јануари минатата година единствена комора што тогаш работеше и што упати барање за издавање на лиценци за продажба на зелените пазари беше Комората на трговци на Македонија. Другите комори што сега упатуваат барања за и тие да учествуваат во издавањето вакви лиценци се формирани многу подоцна. Како Министерство сме обврзани да ги спроведуваме обврските што произлегуваат од овој Закон и единствена наша надлежност беше носењето на подзаконските акти и правилниците што и го направивме. За укинување или одложено дејство на Законот право има само Собранието на Република Македонија рече Бектеши.

Тој посочи дека се сретнал со дел од пазарџиите и организаторите на продажбата на зелените пазари и засега немаат добиено барање од нивна страна во нивниот опсег на работа како Министерство.

– Пензионерите не се косат со Законот за трговија на зелените пазари, туку тие немаат право да работат согласно законот за работни односи што предвидува дека тие како и вработените во согласност со работодавачот имаат право на работа, но не повеќе од 10 часа неделно. Јас сум побарал и средба со пратениците предлагачи на Законот за трговија на зелените пазари заедно да разговараме околу можните чекори за негова измена и надминување на состојбите, додаде Бектеши.

Би можело да ве интересира

(ВИДЕО) Бектеши за вработувањето на неговата сестра: Ќе видам дали ќе поднесам оставка

Ана Ололовска

Стопанска комора: Формирањето комора на тезгаџии да не се регулира со Законот за трговија на зелени пазари

Ана Ололовска

Бектеши: Преку преговори со пазарџиите ќе стигнеме до соодветен закон за пазари

Ана Ололовска

Продолжуваат консултациите меѓу институциите и пазарџиите за трајно решение

Ана Ололовска

Бектеши: Бележиме значителен раст на индустриското производство од 7.9 %

Наум Локоски

(ВИДЕО) Зеќири: Се изнаоѓа решение кое ќе биде во корист на земјоделците, пазарџиите

Ана Ололовска