Бектеши: За првиот дел од годинава предвидени 15 милиони денари за субвенциониран годишен одмор

Од:

За вработените граѓани со ниски приходи и годинава се предвидени средства за субвенциониран годишен одмор во програмите на Министерството за економија, но за разлика од лани кога за таа намена издвоивме 12 милиони евра заедно со ковид мерката за доделување ваучери за домашен туризам, годинава се одлучивме да одвоиме 15 милиони денари, потврди денеска министерот за економија Крешник Бектеши.

-Од 2018 година почнавме со реализација на оваа програма во Министерството за економија за поттикнување на домашниот туризам, но и да им овозможиме простор и на нашите сограѓани кои имаат ниски приходи да користат годишен одмор и да ги посетат нашите туристички дестинации. Претходната година имавме над 12 милиони евра определени за оваа програма заедно со ваучерите кои ги доделивме за домашен туризам, а оваа година согласно буџетот на Министерството и претходно реализираното одлучивме да одиме со 15 милиони денари за првиот дел на годината, рече Бектеши во одговор на прашање при денешната посета на „Скопје Ист Гејт“ заедно со премиерот Зоран Заев, вицепремиерот за економски прашања, координација на економските ресори и инвестиции Фатмир Битиќи, и министерот за транспорт и врски Благој Бочварски.

До крајот на годината, посочи, ако се искористат сите средства ќе најдеме други можности и внатре во Министерството за економија, но и преку потенцијален ребаланс на Буџетот на државата да ги надополниме средствата доколку се реализираат 100 процентно.

Нагласи дека лани биле реализирани околу 70 отсто од планираните средства за субвенциониран годишен одмор и за доделување ваучери за домашен туризам како ковид мерка за поддршка на туристичкиот сектор како еден од најпогодените од пандемијата.

Би можело да ве интересира

Над 2.500 земјоделски и прехранбени производи се очекува да поевтинат со новиот закон за нефер трговски практики

Орце Костов

Работниците со ниски приходи ќе добијат 3.555 ваучери за туризам од 300 евра

Орце Костов

Субвенции за клими: За југозападна Македонија ваучери од 25.000 денари, за останатите 2000 помалку

Орце Костов

Путин: Русија ја престигна Германија и стана првата економија во Европа

Горан Наумовски

Николовски: Очекувам цена до 400 денари за тутун од прва класа и минимум за 20 отсто повисоки откупни цени за годинава

Секој граѓанин треба да плати за тоа што потрошил: Бектеши повика да се реши проблемот со струјата во Слупчане

Орце Костов