Бектеши контра Асоцијацијата за рударство, најважно е здравјето и безбедноста на граѓаните

Од:

Министерот за економија Крешник Бектеши не се согласува со тврдењата на Македонската асоцијација за рударство за законот за минерални суровини изнесени на вчерашната прес-конференција.

Бектеши денеска рече дека за оваа Влада секогаш приоритет ќе биде здравјето и безбедноста на граѓаните и оти доколку тие бидат загрозени, како Министерство ќе постапат исто без разлика дали се работи за мала концесија за песок и чакал или за голема концесија за металични рудници.

– Ќе ги третираме исто бидејќи нашата заложба е да им обезбедиме на сите граѓани да бидат безбедни и да се грижиме за нивното здравје. Треба да се има предвид дека во новото законско решение има мислење од Министерството за животна средина и просторно планирање и да се достави елаборат за животната средина. Врз основа на тоа, ќе се донесат соодветните одлуки, рече Бектеши, одговарајќи на новинарско прашање на прес-конференцијата одржана по потпишувањето на меморандум со Швајцарската амбасада.

Според него, предложеното законско решение не е субјективно, туку во него се прецизираат одредени делови кои досега не беа прецизирани.

– Тоа беше едно од главните барања на граѓаните, рече Бектеши.

Владата досега раскина неколку договори за дадени концесии, кои, како што појасни Бектеши, не е направено популистички, туку притоа е водено сметка за здравјето и безбедноста на граѓаните, како и за тоа да не и се нанесе штета на државата, односно да му се плаќаат пенали на концесионерот.

Македонската асоцијација за рударство вчера на прес-конференција побара повлекување на законот од собраниска процедура и организирање на јавна расправа на која сите засегнати страни ќе ги претстават своите аргументи. Според нив, законското решение не може да се носи по скратена постапка, а евентуалните измени на законот би требало да бидат само во делот на усогласување со Законот за прекршоци. Тврдат дека воопшто не биле консултирани при носењето на измените и додаваат дека државата нема став и стратегија дали и требаат рудници или не.

Би можело да ве интересира

Над 2.500 земјоделски и прехранбени производи се очекува да поевтинат со новиот закон за нефер трговски практики

Орце Костов

Работниците со ниски приходи ќе добијат 3.555 ваучери за туризам од 300 евра

Орце Костов

Субвенции за клими: За југозападна Македонија ваучери од 25.000 денари, за останатите 2000 помалку

Орце Костов

Путин: Русија ја престигна Германија и стана првата економија во Европа

Горан Наумовски

Николовски: Очекувам цена до 400 денари за тутун од прва класа и минимум за 20 отсто повисоки откупни цени за годинава

Секој граѓанин треба да плати за тоа што потрошил: Бектеши повика да се реши проблемот со струјата во Слупчане

Орце Костов