Бабовски: Исплатени близу 17,4 милиони денари за субвенци за откупена пченица од домашно производство

Од:

Агенцијата за финансиска поддршка во земјоделството и руралниот развој денеска на сметките на откупувачите на пченица од домашно производство исплати близу 17,4 милиони денари.

Директорот на АФПЗРР, Николче Бабовски, преку соопштение, појаснува дека станува збор за исплата на субвенциите од дополнителната мерка за директните плаќања за откупена пченица од од домашно производство. Средствата за субвенции за откупувачите на домашното произведено лебно зрно, за сите кои исполнуваат услови за добивање на оваа финансиска поддршка се исплаќаат без селекција и во еден ден.

Агенцијата за финансиска поддршка во земјоделството и руралниот развој, пред неколку дена исплати и 333 милиони денари за предадено млеко, за оризова арпа, како и за градинарски култури предадени во преработувачки капацитети.

Бабовски, посочува дека од стапување на функцијата директор на АФПЗРР до денеска, исплатени се вкупно 319,3 милиони евра. Дел од средствата кои се исплатени се и за стари наследени долгови за неисплатени субвенции од 2012, 2013, 2014, 2015 и 2016-та година.

Агенцијата за финансиска поддршка во земјоделството и руралниот развој, како што се наведува во соопштението, и во наредниот период продолжува со неселективната исплата на средствата за субвенции. Во еден ден, за сите кои исполнуваат услови за добивање на финансиска поддршка се исплаќаат средствата за субвенции.

Би можело да ве интересира

Макрадули: Субвенции за инвертери до крајот на годината

Ана Ололовска

Меѓународен натпревар со 250 пчелари, ќе се доделуваат медали за квалитет на медот

Ана Ололовска

Лозарите ќе добијат дополнителни два денара за килограм предадено грозје

Ана Ололовска

Се олеснуваат условите за производство на вино во малите семејни винарии

Два денара поддршка за лозарите, ќе се интервенира не само кај две, туку кај четири сорти грозје

Ана Ололовска

Димковски: Преку мерките од ИПАРД 2 и од националните програми ќе го поттикнеме производство на преработки од праз

Ана Ололовска