АСО: Најголемата штета исплатена за осигурен имот, осигуреник наплатил 200.000 евра

Од:

Во првите шест месеци годинава граѓани, компании и институции наплатија 1,94 милијарди денари (31,5 милиони евра) обесштетување за штети покриени со осигурителни полиси за неживотно осигурување. Компаниите за неживотно осигурување во првото полугодие годинава исплатиле 319,5 милиони денари (5,2 милиони евра) односно 20 отсто повеќе штети во споредба со истиот период минатата година, информираат од Агенцијата за супервизија на осигурување (АСО).

Според официјалните податоци на АСО, за првите шест месеци од годинава највисоката исплатена штета покриена со осигурителна полиса изнесува 12,28 милиони денари (200.000 евра) и е исплатена за осигурување имот. Штетата ја наплатило правно лице осигурано кај друштвото за осигурување неживот АДОР „Македонија“.

Втора според вредност штета во првото полугодие годинава, велат од АСО, е исплатена во класата задолжително осигурување од автомобилска одговорност. Износот е 10,66 милиони денари (173.000 евра) и ја исплати „Евроинс осигурување“.

– Третата поединечна највисока штета е исплатена од АДОР „Македонија“ исто така по основ на полиса за осигурување имот. Нејзината вредност изнесува 7,1 милиони денари (115.000 евра), а обесштетено е правно лице. Следна според исплатената вредност е најголемата поединечна штета во класата на зелената карта. Изнесува 6,2 милиони денари (101.000 евра) исплатени се од „Халк Осигурување“. Највредната штета во класата карго (со која се осигуруваат стоки во превоз) изнесува 4,9 милиони денари (80.000 евра) и е исплатена од компанијата „Триглав осигурување“, соопшти АСО.

Во класата осигурување од незгода, која има најголем број активни договори за осигурување во споредба со сите други класи доброволно осигурување, се додава во соопштението, највисоката штета ја исплатила компанијата „Еуролинк“ и таа изнесува 3,57 милиони денари (58.000 евра).

– Следи најголемата штета исплатена за моторно возило со каско осигурување и таа изнесува 1,78 милиони денари (29.000 евра), исплатена од „Винер ВИГ“. Кај патничкото осигурување најголема штета во првото полугодие исплатила „Сава Осигурување“ и таа изнесува 934.000 денари (15.200 евра). Кај најактуелното од доброволните неживотни осигурувања – приватното здравствено осигурување највисока штета исплатило друштвото „Халк Осигурување“. Таа изнесува 615.000 денари (10.000 евра), посочуваат од АСО.

Осигурувањето од финансиски загуби е доброволна класа на осигурување која има голем потенцијал и покрај малото пазарно учество бележи значаен раст. Во овој период, прецизираат од АСО, најголемата исплатена штета во оваа класа осигурување изнесува 468.000 денари (7.600 евра) и е покриена од „Сава Осигурување“.

Би можело да ве интересира

Семеен дом осигуран со 3,2 милиони евра, највисоката осигурена сума за имот на физичко лице

Осигурителни компании исплатија 1,9 милиони евра за штети од град и мраз, 72 отсто од вредноста на сите земјоделски штети

Ана Ололовска

АСО: Осигуреници од штети во првата половина од годинава наплатија 31,5 милиони евра, 20 отсто повеќе од лани

Ана Ололовска

Бројот на претставки решени во корист на незадоволни осигуреници зголемен за 220 отсто

Ана Ололовска

Летувајте безбедно со промотивниот пакет полиси од Кроација осигурување

Ана Ололовска

Зголемување на капиталот на Халк Осигурување АД Скопје

Ана Ололовска