Ангеловска: МојДДВ #МојаНаграда се адаптира на COVID-19 состојбата

Од:

МојДДВ #МојаНаграда се адаптира на COVID-19 состојбата. Ќе има поголем број на дневни награди од 1.000 денари за сите оние кои скенираат сметки и придонесуваат во борбата против сивата економија, променети износи на награди за месечните и главното извлекување, објави министерката за финансии Нина Ангеловска на својот профил на Фејсбук.

Од јули до декември ќе има поголем број помали дневни награди, наместо 10 дневни награди по 1.000 денари, 2.000 денари и 3.000 денари ќе се доделуваат по 30 награди секој ден од по 1.000 ден. Месечните извлекувања од август за секое коло ќе имаат промена – ќе се доделуваат по 15 награди од по 20.000 денари наместо 100.000 денари. Месечното извлекување за јули ќе се изврши согласно постојните правила!

На 4 месецов ќе се одржи извлекувањето за 15 награди од по 100.000 денари во кое учествуваат сите скенирани фискални сметки во април, мај и јуни. На главното извлекување на 19 декември ќе се доделат 1.000.000 денари, наместо иницијално предвидените 3.000.000 денари.

-Со оваа измена ќе се доделат повеќе награди на повеќе граѓани кои скенираат сметки и учествуваат во борбата против сивата економија и воедно ќе се овозможи 9,7 милиони денари од наградниот фонд да бидат донирани кон солидарниот ковид фонд за социо-економски мерки за справување со кризата.Купувајте 🇲🇰 производи! Скенирајте ! Остварете поголем поврат на ДДВ! Добијте шанса за награда… и придонесете во ревитализирање на македонската економија, порачува Ангеловска.

Би можело да ве интересира

Ангеловска на ФБ: Доделена првата транша од евтините кредити, се задржува ликвидноста на компаниите

Ана Ололовска

Објавена листата на фирми што зеле државна помош, а не им платиле на работниците

А1он

Ангеловска: Поддршка од 500 милиони евра за граѓаните и стопанството со трите пакети антикризни мерки

Ана Ололовска

Фирмите побарале и добиле пари од државата, вработените не ги добиле платите, испратени опомени

Ана Ололовска

Над 700 фирми добиле поддршка од државата за исплата на плата, но не ги дале парите на вработените

Ана Ололовска

Викендот без ДДВ преместен во септември, треба да го потврди новата влада

Маја Илиевска-Пачемска