Ангелоски на „Дубаи Експо“: Произведуваме врвни производи, привлекувањето на странски инвестиции високо на агендата

Од:

Во нашата земја има домашните претпријатија кои произведуваат производи по светски стандарди со највисок квалитет, а долгата традиција на инженерство како и поволностите кои ги нуди законската регулатива овозможуваат услови за привлекување на странски директни инвестиции, истакна претседателот на Сојузот на стопански комори на Македонија, Трајан Ангелоски на Бизнис форумот кој денеска се одржа во рамките на „Дубаи Експо“. Ангелоски присуствува на оваа престижна саемска манифестација како дел од владината делегација.

dobivaj vesti na viber

„Нашата земја беше една од првите во регионот која почна интензивно и сериозно да работи на привлекување на странски директни инвестиции и таа активност се развиваше во повеќе фази. Странските инвеститори веќе ги вклучуваат во своите синџирите на снабдување и домашните мали и средни претпријатија што е важно за развој на домашната економија, но и практично за нив бидејќи секогаш е полесно да се набавува на локалниот пазар отколку подалеку. Денеска сме во многу пософистицирана фаза од привлекување на странски инвестиции, имаме нова законска регулатива за привлекување на странски инвестиции и за поддршка на инвестициите на домашните компании. Исто така имаме долга историја на инженерство и добра соработуваме со научната јавност и универзитетите, што е важно за новите инвестиции и за развојот на иновациите“, истакна Ангелоски во своето обраќање на Бизнис форумот.

Ангелоски вчера присуствуваше и на официјалната церемонија за одбележување на денот на Република Северна Македонија на саемот, а оствари и средби со претставници на најголемите локални стопански комори.

Обединетите Арапски Емирати имаат една од најбрзо растечките економии, а „Дубаи Експо“ е една од најпрестижна саемска манифестација во светот. Сојузот на стопански комори има традиционална соработка со коморите од овој регион и се залага за продлабочување на истата во повеќе сектори меѓу кои, туризам, финансии, трговија и земјоделство.

Би можело да ве интересира

Јовановски: Сега ги плаќаме слабостите во нашата економија од пред 30 години

А1он

Бизнисмените предупредуваат: Можни се отпуштања без државна помош и поевтина струја

Орце Костов

Туристичко-угостителската комора подготвена да обезбеди 5.000 работници за спас на секторот

Ковачевски: Со дијалогот со бизнис заедницата и со граѓаните ќе ја надминеме и оваа криза како победници

А1он

Лазаров: Меѓувладината седница во Софија покажува дека работите повеќе нема да бидат ставани под тепих

Ана Ололовска

Комората ќе ја повлече иницијативата пред Уставниот суд, ќе се најдат решенија за предизвиците околу недела неработен ден

А1он