8.700 лица одлучиле да се откажат од парите по основ на поврат на ДДВ и да ги донираат во борбата против Ковид-19, додека 35 219 граѓани се изјсниле дека сакаат да ги задржат парите од скенираните фискални сметки, информираат од Упрвата за јавни приходи за „А1он“. Се изјасниле само 43 919 граѓани од 262.030 регистрирани корисници колку што се ажурирани со последниот пресек до месец март. Според податоците на УЈП по основ на донација од граѓаните кои се откажале од парите од ДДВ, собрани се 9 711 296 денари или приближно 160 илјади евра.
При тоа граѓаните кои сакаа да ги донираат парите за ДДВ-то за месеците јануари, февруари и март кликнале на опцијата ,,Да го донирам мојот поврат на ДДВ“, а оние кои сакат да ги задржат на опцијата “Не благодарам“. Можеа да се изјаснат од 25 април заклучно до вчера.
Граѓаните кои воопшто не одговориле на апликацијата, ќе се смета дека не сакаат да ги донираат парите од фискалните сметки и како и на оние кои се изјасниле против парите ќе им бидат исплатени.
Како што информираат од УЈП, во тек се подготовките за исплата на средствата од скренираните фискални сметки за првото тромесечие и граѓаните ќе може да ги очекуваат до првата половина на мај.