Владата во вторник, 15. октомври, ќе се задолжи на домашен терен за нови 63 милиони евра. Преку две аукции на државни записи и една аукција на државна обврзница, Владата ќе се обиде да обезбеди 63 милиони евра од домашните кредитори.
60,6 милиони евра ќе треба да се обезбедат преку продажба на краткорочни хартии од вредност за кои се нуди камата од 3,15 % односно 3,60%, во зависност од валутната клаузула.
Обврзницата, со рок на доспевање од 5 години ќе се понуди со купонска камата од 4,60%.
Последното задолжување на домашен терен беше на 1. во октомври кога државата планираше да обезбеди 77 милиони евра, но на крајот од денот се задолжи со скоро 115 милиони евра или 40 тина милиони евра повеќе од првичниот план.