Јубилејното 10-то издание на фестивалот на нова музика – ЗДРАВО МЛАДИ се заокружи во раните утрински часови.
Покрај домашните Funk Shui и PMG Kolektiv, настапија и неколку интерционални артисти меѓукои: Efterklang од Данска, Lalalar од Турција и DJ FITZ од Ирска. Програмата течеше беспрекорно, запазувајќи ги сите мерки, а и целиот процес се олесни со големиот простор кој го нуди паркот на МКЦ.
Ова специјално издание во специјални услови ја понуди и изложбата „25-тата слика – Неслушнатото, невиденото и незбореното“ на Сали Ертунч која од понеделник (31 август) може да се посети во Галеријата на МКЦ – Скопје.
Тимот на Здраво Млади понуди слободно танцување на безбедна дистанца, а верната публика испорача и се поврза со квалитетниот звук што го нудеше овогодишната скромна музичка програма.