Со стендап комедијата на Никола Тодоровски вечер во Спортскиот центар во Ново Лисиче ќе биде затворено шестото издание на фестивалот „Гола месечина“, што почна на 2 септември.
На последната вечер од фестивалот, пред доделувањето на наградите, премиерно ќе биде прикажан документарен филм за големата актерка Анче Џамбазова, што го сними НУ Театар комедија, под режисерската палка на Миле Гроздановски, по сценарио на Гоце Трајковски.
Во филмот се прикажани разни аспекти од животот и кариерата на Џамбазова.