„Врба“ на Манчевски вечерва премиерно во Романија, следниот месец во Кина

Од:

Филмот „Врба“ на Милчо Манчевски вчеравечер имаше романска премиера, на најстариот и најголем интернационален фестивал во државата – „Трансилванија“ во Клуж-Напока.

-Ова е еден од првите фестивали во светот кој ќе се одржи во услови на пандемија – филмовите ќе се прикажат пред публика на отворени простори, соопшти продукцијата „Банана филм“.

„Врба“ во август ќе има и кинеска премиера, на фестивалот во Пекинг, каде што ќе биде прикажан во престижната официјална програма за награди. Во програмата „Под ѕвездите“ на интернационалниот филмски фестивал во Нанси, Франција, во август ќе биде прикажан и претпоследниот филм на Манчевски, „Бикини Мун“.

Светската премиера на „Врба“ беше на Римскиот филмски фестивал во октомври минатата година, каде што беше забележан со исклучително позитивни критики. Потоа филмот два и пол месеца беше прикажуван во кината низ земјава, а беше и дел од официјалните програми на светските фестивали во Тајпеј, Талин, ФЕСТ во Белград, Бенгалуру во Индија, Синеквест во Калифорнија, Сараево, Софија…

„Врба“ ја освои и наградата за најдобар филм во програмата „Недела на режисерите“ на 40. Филмски фестивал „Фантаспорто“ во Порто, Португалија, како и наградата за најдобар филм на камерниот фестивал на независни филмови во Велингтон, Нов Зеланд.

Би можело да ве интересира

Монографијата „Манчевски“ достапна на интернет-страницата на Кинотека

Ана Ололовска

В петок бесплатен онлајн стриминг на „Прашина“ на Манчевски

Ана Ололовска

„Врба“ патува на фестивалот во Пекинг

Ана Ололовска

Светска ТВ-премиера на „Врба“ на МТВ1 на 29 март

Ана Ололовска

Награда за „Врба“ на Манчевски во Порто

Ана Ололовска

Стоечки овации за „Врба“ на Манчевски на белградски ФЕСТ

Ана Ололовска