Во Тетово работилници за стекнување основи за ликовно сликање, фотографирање и филм

Од:

Стотина деца во изминатите пет години учествувале на работилници во Музејот на тетовскиот крај за стекнување на основи за ликовно сликање, фотографирање и филм. Работилницата, според уметниците организатори, се покажала како значајна основа за насочување на децата како ученици во средното образование, но и на Уметничката академија.

-Дваесетина деца излегле од тука со голема заинтересираност да учат и практикуват уметност па како ученици се запишале во средното уметничко училиште. Двајца од нив веќе се запишани и на Уметничката aкадемија, вели ликовниот уметник Славчо Максимовски.

Тој заедно со Глигор Кондовски, е активен во сферата на филмот и фотографијата, и ги обучуваат децата.

-Дечињата ги учат основите на ликовното сликање, а секоја година се реализира и годишна изложба од сите сработени дела. Часовите ги држиме во Музејот на тетовскиот крај, а последниот период на отворено заради ситуацијата со корона кризата. Децата ја истакнуваат својата креативност. Учиме различни техники за цртање и сликање за деца од различни возрасти, почнувајќи од девет години па натаму, вели Славчо Максимовски.

Сите учесници на работилницата учествуваат и организираат годишна изложба. Во септември годинава дел од децата се претставија и на изложба на слики со православна тематика која беше дел од фестивалот на духовна музика ТЕХО.

Би можело да ве интересира

Завршува интернационалниот фестивал „Театарски европски алтернативи“

Ана Ололовска

Уметникот Живко Поповски -Цветин со ликовна работилница во возот на релација Скопје-Куманово по повод Светскиот ден на мирот

Ана Ололовска

„Светлината од уметникот ќе се одрази врз целата заедница“ преку црно- бели портрети изложени на Рузвелтова

Ана Ололовска

Затворена јубилејната 35-та ликовна колонија св.Јоаким Осоговски

Ана Ололовска

Заврши ликовната колонија „Карпино 2021“

Ана Ололовска

Аудиовизуелна инсталација на Ивановски и Пејовски во „Центар-Јадро“

Ана Ололовска