Во Прилепскиот театар премиера на претставата „Каменот“

Од:

Во прилепскиот народен театар „Војдан Чернодрински“ денеска премиерно ќе биде изведена претставата „Каменот“ од Мариус Фон Мајебург, во режија на Кристина Димитрова. Тоа е прва претстава од почетокот на пандемијата и од годинашната програма.

Претставата е предизвик и за прилепската актерска екипа и за ансамблот кој прикажува прва премиера. За режисерката Кристина Димитрова, проектот е предизвик во овие услови.

– Голем предизвик е да се прави претстава во пандемија. Мора да внимаваме на многу работи, главно на маските, заштитата, на дистанцата. Имавме и многу среќа никој од актерите и од сите чинители во претставата да не заболи. Беше многу стресно, но и убаво. Претставата е според современ, германски текст. Голем предизвик беше. Нема линеарен развој на настаните, вели режисерката Димитрова.

Претставата, посочи таа, е според современ, германски текст, а предизвик и внимателност беше сиот процес.

– Сите актери беа во добра здравствеа состојба. Приказната е за повеќе генерации во едно германско семејство што ги поминало децениите искушенија. Се чувствуваат исчезнатата среќа, остатоците од војната, сиромаштвото, лагите, непочитувањата, лицемерието. Потребни се голема издржливост и многу компромиси за да се живее во мир, појасни актерката Ачански.

Во претставата според сите протоколи играат: Наташа Ачански, Катерина Чакмакоска – Клинческа, Димитар Ѓорѓиевски, Јасмина Мицовска- Станкоска, Марија Димитрова, Илија Волчески. Сценографијата е на Валентин Светозарев, костимографијата е на Роза Трајчевска – Ристовска, драматург е Лидија Митоска Ѓорѓиевска, а музиката е на Томе Темелкоски.

Би можело да ве интересира

Битолскиот театар со онлајн премиера на „И коњите ги убиваат, зар не?“

Ана Ололовска

Премиера на монодрамата „Последната лента на Крап” во МНТ

Ана Ололовска

Големата театарска сцена во Битола од денес го носи името Благој Стефановски-Баге

Актерот Висар Вишка разрешен од директорското место од театарот во Гостивар, инспекцијата утврдила неправилности

Ана Василевска

Професионалните театри со помалку претстави и посетители

Ана Ололовска

Драмско читање на текстови од пет млади македонски драматурзи

Ана Ололовска