Во Кавадарци промовиран проспект за џоломарската игра во селата Ресава и Бегниште

Од:

Во Музеј галеријата во Кавадарци, денеска беше промовиран проспект за џоломарската игра во селата Ресава и Бегниште, од авторот Томе Крстевски, виш кустос етнолог.

dobivaj vesti na viber

Директорката на Музејот, Весна Ѓорѓиева, појасни дека џоломарството е тесно поврзано со чествувањето на Стара нова година, позната како Василица, кој традиционално со сите обичаи се одбележува во Тиквешијата. Таа нагласи дека за одбележување е фактот што џоломарите и нивната игра од Бегниште се прогласени за заштитено нематеријално културно наследство од особено значење, со одлука на Владата пред околу две години.

Пред присутните се обрати и Крстевски.

– При систематско теренски истражувањата вршени и од страна на колеги од институцијата кај овие две маскирани групи, добиен е материјал со единствена цел да се претстави традицијата на џоломарите од селата Ресава и Бегниште. Како докази користени се собирани материјали, материјали од теренски истражувања, но и личен став кон некои елементи присутни во овој обред, рече Крстевски.

Тој додаде дека преку архивските извори, објавени материјали, презентирани податоци и споредени сопствени теренски истражувања, континуирано е следен обредот на овој микро предел.

-Во периодот од Коледе до Водици, за време на 12 некрстени денови, следена е традицијата, особено на празнувањата и обредите за Стара нова година или позната како Василица, на 14 јануари, во овие две села. Со започнувањто на обредот, ноќта меѓу 13 и 14 јануари, Василица, селската заедница започнува да живее еден поинаков живот од вообичаениот, нагласи Крстевски.

Проспектот финансиски е поддржан од кавадаречката локална самоуправа.

Во рамки на денешниот настан, беше прикажан и дел од документарниот филм за џоломарите, којшто се уште е во продукција, од авторот Тони Коцев.

Би можело да ве интересира

Обвинение и психијатриско лекување за братот кој полово ја нападна сестра си

Катерина Павлова-Николовска

Кавадарци одбележува 78 години од раѓањето на Зафир Хаџиманов

Ана Ололовска

Кавадарци одбележува 110 години од раѓањето на Темков, еден од најистакнатите културни работници

Ана Ололовска

По убиството во Кавадарци, мајка со малолетно дете го напуштила градот

А1он

Балканско првенство во риболов во Кавадарци

А1он

Костов две години на клупата на Тиквеш

А1он