Во Битола одбележана годишнина од смртта на Милтон Манаки

Од:

Комуната на власите „Браќа Манаки“ денеска во Битола одбележа 49 години од смртта на првиот снимател на Балканот, Милтон Манаки.

Во комплексот Влашки гробишта каде се наоѓа вечниот дом на Манаки, цвеќе положија делегација на општина Битола предводена од градоначалникот Владимир Талески, претставници на јавниот и културниот живот во градот, а за делото на Манаки пригодна реч одржа Стефан Хаџи Андоновски, член на здружението.

Во наредниот период општина Битола ќе го возобнови киното на браќата Манаки што се наоѓало на Широк Сокак во овој град. Според проектот поддржан од Министерството за култура и Кинотека на Македонија ликот на некогашното кино „Балкан“ ќе биде вратен со изградба на нов објект на старата локација во кој ќе има постојана музејска поставка, архивски материјал и фотографии, но и предмети од киното на браќата Милтон и Јанаки Манаки.

Како што е познато, некогашното кино „Балкан“ на браќата Манаки во Битола работело во периодот од 1923 до 1939 година кога по еден пожар изгорело до темел. Во киното имало киносала со 395 нумерирани седишта. Филмската програма била обезбедувана од дистрибутерски филмски куќи на Балканот.

Би можело да ве интересира

Предлог казна од 2 000 евра за лице од Битола за непочитување на наредба за домашна изолација

Ана Ололовска

Граѓаните кои имаат штети од невремето во Битола да се пријават за помош, повика градоначалничката Петровска

А1он

Поплавени улици и домови во Битола, со градобијни ракети се растерувале облаците

А1он

ВИДЕО: Силен и пороен дожд, поплавени улици во Битола

А1он

Во Здравствен дом Битола за три години реализирани 54 нови вработувања, целосно реновирана Службата за итна медицинска помош

А1он

Ограбена продавница за накит во Битола, украдени 28 часовници во вредност од 575 илјади денари

А1он

Leave a Comment

four × 5 =