Во Битола изминатиов викенд се одржа првиот фестивал за кларинети

Од:

Во Битола изминатиов викенд се одржа првиот фестивал за кларинети „Кларифест – Битола 2019“, кој се состоеше од концерти и семинари за кларинет.

Гости предавачи на семинарите беа истакнати уметници од странство, и тоа Сергеј Петров (Русија) – прв кларинетист и солист на Болшој Театарот во Москва, како и Јакуб Бокун (Полска) – професор по кларинет на Музичката академија во Вроцлав, додека како учесници и слушатели учествуваа ученици од нижите и средните музички училишта од државата.

Во рамките на „Кларифест – Битола 2019“ беа реализирани и два концерти, и тоа – свечено отварање на фестивалот со концерт на ученици од средните и нижите училишта од државата, додека на завршниот концерт настапија споменатите гости од странство, заедно со домашните уметници Ристо Ѓоревски на кларинет и Елена Атанасовска-Ивановска на пијано.

Фестивалот се организираше со поддршка на Министерството за култура, а како партнери се јавија и познатиот бренд за призводство на кларинети Буфет Крампон – Париз, како и Амбасадата на Република Полска во Скопје.

Би можело да ве интересира

Седум камерни концерти на фестивалот „Златна лира“

Ана Ололовска

Концерт на Скопскиот дувачки квинтет во Софија

Ана Ололовска

По три години Кларинетистот Васко Дуковски повторно настапува на Македонската Сцена

Ана Ололовска

Концерт на „Интерфест Битола 2019“ со Валентин Наумов и Верица Дивитарова

Ана Ололовска

Концерт на пијанистот Томе Костовски вечер на „Интерфест“

Ана Ололовска

Израелскиот амбасадор зачуден: Една година чекам одобрение за споменик на Евреите во Битола

Маја Илиевска-Пачемска