Владимир Јанчевски добитник на наградата „Ладислав Баришиќ“ за ликовна критика

Од:

Здружението на ликовни критичари АИКА Македонија му ја додели наградата „Ладислав Баришиќ“ за 2019 година од областа на ликовната критика на Владимир Јанчевски. Тој е награден за неговиот предлог истражувачки проект „Политички слики после смртта на уметноста: Фотомонтажните интервенции како релевантна политичка акција и нивната дисеминација во медиосферата“.

По повеќе доставени предлози, одлуката ја донесе комисија на Здружението, во состав: Мира Гаќина (историчар на уметноста и куратор), Славчо Димитров (теоретичар на културата) и Бојана Јанева-Шемова (историчар на уметноста и куратор).

Целта на наградата „Ладислав Баришиќ“ е да понуди можност за промислување на третманот и позициите на ликовната критика денес и на критичкото пишување за појавите и тенденциите во современите визуелни уметности и теоријата на уметноста.

Владимир Јанчевски (1984, Скопје) е самостоен истражувач кој живее и работи во Скопје. Паралелно работи во областа на современата уметност и визуелните студии. Негов предмет на интерес се проблемите и предизвиците на интердисциплинарното истражување, границите и вкрстувањето на уметничката практика и теоријата на сликите, потоа ангажираната уметност, интервенции во јавен простор и социополитички феномени, како и современите форми на цензура и иконокластички акти.

Јанчевски дипломирал на Институтот за историја на уметноста на Филозофскиот факултет при Универзитетот „Св. Кирил и Методиј“ во Скопје, каде што паралелно со постдипломските студии работел како демонстратор по предметите Современа уметност и Современа македонска уметност. Имал повеќе самостојни и групни изложби.

Доделувањето на наградата „Ладислав Баришиќ“ е финансиски овозможено со поддршка од Министерството за култура и со донација на семејството Баришиќ.

Би можело да ве интересира

Повик за учество на уметници во проект за илустрации за родова еднаквост

Ана Ололовска

За Спасовден во Гевгелија се организира онлајн ликовна колонија

Ана Ололовска

Повикот за творби на тема „Борба против насилството и дискриминацијата меѓу децата во спортот“ отворен до 10 јуни

А1он

„Уметнички дневници“ нов проект на Националната галерија

Ана Ололовска

Ликовно-креативен предизвик за заштитата на планетата од отпадните батерии

Ана Ололовска

Македонскиот уметник Златко Крстевски твори и учествува на изложби поврзани со пандемијата

А1он