Вкупно 33 апликации на конкурсите за млад и зрел уметник што ги објави Националната галерија на Македонија

Од:

До Националната галерија на Северна Македонија заклучно со крајниот рок, 20 јули, пристигнале десет апликации за конкурсот за зрел уметник и 23 за конкурсот за млад уметник.

Како што соопшти Националната галерија, конкурсите што беа објавени пред еден месец, предизвикаа голем интерес.

– Особениот интерес го потврдува фактот дека на ликовната фела, после долг временски период им беше понуден професионален повик отворен за сите, чии селектори се меѓународни стручњаци од областа, а за својот проект селектираните уметници ќе добијат хонорар и средства за реализација и продукција на делата, пракса која одамна не се применува на македонската ликовна сцена, а е потврда на професионалност и респект кон влогот и трудот на ликовниот уметник, наведува Гелеријата.

Меѓународната комисијата во состав: Мишко Шуваковиќ – декан и професор на докторски студии по трансдисциплинарна и трансмедијална уметност при Факултетот за медија и комуникации при Универзитетот „Сингидунум“ од Белград, Роман Урањек, уметник и член на групата IRWIN и Арта Агани Буњаку, ликовен уметник, дизајнер и директор на Уметниката галерија на Косово, ќе има сложена задача да избере еден зрел уметник за победник и двајца млади уметници кои ќе ги реализираат своите проекти во ноември и декември во просториите на Мултимедијалниот центар Мала станица.

Финалната одлука и образложението за селекцијата од страна на Комисијата ќе биде јавно соопштена најдоцна до 20 август.

– Согласно понудените проекти очекуваме интересни програмски содржини како резултат на конкурсите, истакнува Националната галерија на Северна Македонија.

Би можело да ве интересира

Почина сликарот Таки Павловски

Ана Ололовска

Националната галерија го одбележува Меѓународниот ден на културното наследство

Ана Ололовска

Утре започнува шестото издание на мултимедијалниот фестивал ArtArea/Артерија

Ана Ололовска

Започна 15-та јубилејна Меѓународна графичка работилница „Софија“ во Богданци

Ана Ололовска

Зоран Попоски изложува на Месецот на дигитална уметност во Париз

Ана Ололовска

Изложба на проширено кино „Терански Фрагменти“

Ана Ололовска