Македонскиот поет и писател Панде Манојлов, кој живее и создава во Битола, деновиве, за неговото поетско творештво доби уште едно високо меѓународно признание.
Писателот Манојлов од Чувашката народна академија на науките и уметностите на Република Чувашија (Руска Федерација) го доби признанието „Грамота на честа“ кое му е доделено за неговото поетско творештво, за ширење мир и љубов меѓу народите во светот, како и за песна посветена на чувашкиот народ и Република Чувашија.
– По доделувањето на оваа награда следи и мојот прием за дописен член на оваа значајна институција. Тоа за мене е голема чест и признание за тоа што го работам, изјави за МИА писателот и новинар во пензија, Манојлов.
Панде Манојлов е член на Друштвото на писателите на Македонија и на Македонско научно друштво-Битола, и е автор на 22 книги поезија, проза и театарска критика.