Виола Грациози од Италија добитник на „Актер на Европа 2020“

Од:

Виола Грациози од Италија е добитник на главната наградата „Актер на Европа 2020“ за најдобро актерско остварување на 18. издание на Интернационалниот театарски фестивал „Актерот на Европа 2020“, што заврши синоќа.

Грациози е една од најзначајните актерки во европскиот театарски простор и ја доби наградата за улогата во „Суита Офелија “, во режија на Гаетано Пјаца, а во продукција на Театро Саназаро од Рим, Италија.

По шест дена фестивалски настани, организирани според протоколот за одржување на манифестации во услови на Ковид-19, „Актерот на Европа“ го одржува континуитетот и прераснува во автентична референца за промоција на македонската култура во светски и европски рамки и вистинска прослава на театарската уметност во Преспа.

Жирито во состав, Мето Јовановски (претседател), Лилјана Котевска-Плевнеш, Лаерти Васили одлучи наградата за најдобра претстава во целина Гран при „Жак Лакариер“ да ја додели на претставата „Пасија според Маргарита“, работена по текст на Жан-Мари Пием, во продукција на „Ла Фабрик – Театар Ефемерид“ од Франција, во режија на Патрик Вершуерен, кој воедно ја доби наградата и за најдобра режија .

Монодрамата „Ченто“ од Доне Донев ја доби наградата од публика, Страшо Милошевски ја доби наградата „Наум Манивилов Преспански“ за оригинална театарска изведба „Македонски Псалми“, додека младиот актер Бобан Алексоски ја понесе наградата „Преспански Диониз“ за наговата интерпретација на „Дневникот на лудиот“ од Николај Гогољ, во режија на Ѓорѓи Ристевски, а Лука Чедрола ја доби наградата за најдобар текст, за „Суита Офелија“ од Италија.

Наградата „Млада Европа“ за најдобри млади актери им беше доделена на Ане Блажевски и Анастасија Ласовска, за претставата „Тетатет“ по текстови на Шекспир, под менторство на проф. Дејан Пројковски.

Би можело да ве интересира

Биљана Драгичевиќ-Пројковска и Исмет Аземи – Актери на Европа 2022

Катерина Ѓуровски

Наградата „Актер на Европа 2021“ за Маргарита Џепа од Албанија

Мариа До Сеу Гера – Актерка на Европа 2019

Ана Ололовска