Вечер на Скопскиот џез фестивал посветена на солидарноста на бегалците

Од:

Претпоследна вечер од 40-тото јубилејно издание на Скопскиот џез фестивал, ќе биде посветена на солидарноста со бегалците.

По повод тригодишната соработка на иницијативата Џез за солидарност со бегалците претставничката на Агенцијата на ОН за бегалци, Моника Сандри и директорот на Скопскиот џез фестивал Оливер Белопета остварија средба, на која, како што информираат, изразиле заедничко задоволство од соработката чија цел е развивање повеќе солидарност со бегалците и воопшто помеѓу луѓето.

Претставничката на УНХЦР Моника Сандри, рече дека Скопскиот џез фестивал, со пример ги инспирира и другите да застанат на страната на бегалците.

-Благодарни сме за постојаната посветеност на Фестивалот и можноста и оваа година да ги здружиме силите и да потсетиме на луѓето кои бегаат од конфликти, прогон и војни и на кои им треба нашата солидарност. Минатата година во светот, повеќе од 80 милиони луѓе биле приморани да избегаат од својот дом. Отприлика половина од бегалците во светот се деца, порача Сандри, се вели во соопштението од Скопје џез фестивал.

Директорот на Скопскиот џез фестивал Оливер Белопета рече дека со УНХЦР соработуваат веќе трета година, но дека Скопскиот џез фестивал е на страната на бегалците од многу порано од тоа бидејќи таа кауза доаѓа од идеолошките и хуманитарни определби на фестивалот и хуманата должност што ја имаме како граѓани.

-Како фестивал на џезот, кој се смета за форма на уметност што ги крши јазичните, етничките, расните и класните бариери и кој се бори против национализмот и за слободата, ние имаме не само привилегија, туку и одговорност да едуцираме. Пред сè за џезот и музиката од светот, но и за вредностите во општеството и кај секој поединец кој нè следи низ годините. Не смееме да дозволиме омразата да е погласна од солидарноста со бегалците. А, џезот е тука да ни помогне да растеме и да бидеме подобри луѓе, рече Белопета, се вели во соопштението од Скопје џез фестивал.

Би можело да ве интересира

Награда за најдобар македонски млад џез музичар на Скопскиот џез фестивал во МКЦ

Почна јубилејното 40. издание на Скопскиот џез фестивал

А1он

Почнува јубилејното 40. издание на Скопје џез фестивал

Ана Ололовска

Почнува 39. Скопски џез фестивал

Ана Ололовска

Влатко Стефановски и Теодосиј Спасов ќе го отворат 39. Скопски џез фестивал

Ана Ололовска

Со настап на Дејвид Торн и Фред Фрит почна Скопскиот џез фестивал

Ана Ололовска